Дассан сэтгэл шунал болон хувирч болох юм

         Энэ хорвоод Ганцаараа хоосон ирсэн хоосон буцах нь үнэн тийм атал хүмүүс амьдрал, албан тушаал, хайр сэтгэлд юунд ингэтлээ шунана вэ? 

       Бид хэт удаан хамт байсан хэн нэгэндээ тасах түүнийгээ алдмааргүй санагдах эсвэл эд хөрөнгөндөө шунах, улам ихийг авхыг хүсэх, байгаа албан тушаалаасаа буухыг хүсэхгүй байх зэрэг нь бид хэт их өөриймсөг хандаж дассан сэтгэлийн бололтой. Бид удаан хамт байж дассан зүйлээ насан туршдаа зөвхөн минийх гэж итгэсэнээсээ болоод түүнийгээ алдах үед маш хүнд дарамтад орж үзэн ядан хорсох сэтгэл төрдөг билээ. 

        Энэ хорвоод юу мөнх вэ? лав л албан тушаал, эд хөрөнгө, хань ижилийн хайр сэтгэл биш

харин эцэг эх, үр хүүхэдийн хайр л энэ хорвоод мөнх байж болох юм. Гэтэл бид энэ хорвоод мөнх биш зүйлийн төлөө маш их цаг хугацаа бас сэтгэлээ зориулаад байдаг. 

Миний эр хүнийг хайрлах хайр намайг гээд галзуурах шахаж байсан эр хүний намайг гэх хайр бүгд өөрчлөгддөг.  Цаг хугацааны асуудал хэр удаан үргэлжлэх, хэр сайхан дурсамж үлдээх гэх мэт, харин цаг нь болоод хайр хувирхын цагт хэтэрхий их дассан хэн нэг нь шуналдаа хөтлөгдөн буцаад ирээсэй гэж хүсдэг. Хүмүүс яагаад ийм өрөвдөлтэй байдаг юм болоо. 

Буцаад ирлээ гээд юу өөрчлөгдөхөө би биш юмаа гэхэд цаана нь байгаа өөр нэгэн хүн шархлаад л үлдэх болно. 

Хүн болох багаасаа Хүлэг болох унаганаасаа

Хүн болох багаасаа
Хүлэг болох унаганаасаа

Ардын сайхан үгс минь

Амны билэгээс 

Ашидын билэг

Бидний учирсан түүх...

        2007 онд 4-р курсын хичээлийн жил байсан. Хичээлийн ачаалал гайгүй бага тул ойр зуурын хэрэглээний болоод хонхны баярын мөнгөө бэлтгэх гэж багшийн дээдэд байрлах "Дэлгэр" гадаад хэл, компьютерийн сургалтын төв-д компьютерийн багшаар ажилласан юм.

         Сургалтын төвд нийт 3-н багштай. Англи хэл, Солонгос хэл, компьютерийн багш. Англи хэлний багш Байгаль, Солонгос хэлний багш Мөөгий бид анх энэ ажил дээр танилцсан.  Би хичээл, ажил 2-т зэрэг гүйгээд нилээд түүртдэг, харин хамт ажилдаг найз охидоо хараад үнэхээр эрч хүч ордрг байсан.  Учир нь: Байгаль 2 мэргэжилээр зэрэг сурна, багшлана, оройн цагаар кино орчуулна ер нь л маш хөдөлмөрч охин дээр нь гэрээсээ тусдаа амьдардаг биеэ даасан мундаг охин. Харин Мөөгий 3-р курсийн оюутан 2 сургалтын төвд зэрэг багшилдаг нилээд холоос ажилдаа явдаг дээр нь бидэн дунд хамгийн гоолиг хамгийн хөөрхөн нь. Ийм мундаг охидыг хараад ядарч байна, дипломоо бичиж амжихгүйнээ, хичээл хоцорсон гэх мэт шалтгаан хэлэхээс ичиж тэр 2 оосоо  үргэлж эрч хүч авдаг байсан юм. 

Одоо бодож байхад бурхан намайг харж үзээд хэрэгтэй цаг хугацаанд минь энэ хүмүүсийн дэргэд байлгасан юм байна гэж боддог.

      Хүн анхны гараагаа зөв эхлэх хэрэгтэй гэдэг харин би их сургууль төгсөөд хөдөлмөрийн гараагаа зөв эхлэх, эрч хүчээр дүүрэн эхлэх гараагаа энэ 2 найзаасаа авсан юм.

         Бидэн 3

Цааш нь үргэлжлүүлье. бид нилээд удаан хамт ажилласан, сургалтын төвөөс сүүлийн сар гаран бараг 2 сар цалингаа өгөөгүй байсан юм. 

    Нэг өглөө ажилдаа ирээд онгойлгоод ортол хоосон заал, ёстой гайхалтай. бидэнд юу ч хэлэлгүй бас суралцагч нарт мэдэгдэхгүйгээр харангүй шөнө ачаад  авчихжээ. Бидний бараг 2 сарын цалинг өгөхгүйгээр. 2 багштайгаа ярисан тэд ч бас мэдээгүй. Ингээд захиралтайгаа уулзах гэж хаягаар хайгаад очтол бидэнд мөнгө байхгүй гээд цалин өгөөгүй. бид нэг хэсэг хөөцөлдөж гүйгээд сүүлдээ орхисон юм. /Бид хааяа уулзахаараа үүнийгээ яриад баахан инээдэг./

        Үүний дараа англи хэлний багш бид 2 нилээд сургалтын танхим түрээслэн сургалтын төв ажиллуулж эхэлсэн юм. Англи хэлний багш маш дайчин хөдөлмөрч охин тул өрөөгөө маш сайхан тохижуулсан. Би харин хэдэн компьютер, ширээ цуглуулж 2-уулаа үйл ажиллагаагаа эхэлсэн юм. Нилээд удаан хичээж ажилласан эхэндээ овоо элсэгчтэй байж, олсон мөнгөөрөө өрөө танхимаа тохижуулж, өрөөндөө тасалгаа энэ тэр хийлгээд... харин сүүлдээ элсэлт багасаад суртачилгаа энэ тэр хэрэг болоод би жаахан шантарч эхэлсэн түрээснээс түрээсний хооронд  . Гэвч хажууд маань шантрашгүй нэг хүн байхад яах ч аргагүй нэг хэсэг хамт зүтгээд сүүлдээ их сургуульд багшлах ажлыг сонгосон юм. 

Найз охинд маань ч бас сургуульд багшлах урилга ирж байсан ч эхлүүлсэн зүйлээ орхихыг хүсэхгүй нилээд хичээсэн. 

Энэ бүхний үр дүнд би найзуудаасаа маш их зүйл суралцаж, амьдралд маань эргэж дахин тохиохгүй аз жаргалтай дурсамжтай мөчүүдийг олныг үдсэн. "Дэлгэр" сургалтын төвөөс би мөнгөнөөс илүү чухал нөхөрлөл, сайхан найзуудыг олж чадсан.

Бид өнөөг хүртэл байнгын холбоотой сайхан нөхөрлөж байгаа. найзууддаа хайртай шүү. 

 Би маш чухал цаг мөчид та 2 тойгоо уулзсандаа үргэлж баярлаж явдаг шүү.

Хорвоогийн нэг сайхан жимс

         Энэ хорвоод мэндэлсэн хэн ч байлаа гэсэн эцэг эх, хайртай хүмүүсдээ хамгаас нанидан хамгаас эрхэм.

                  Хүний нүдэнд бол
               Хөгцтэй хад шиг
               Хөх толгойтой хөгшин хүү минь
               Ижийнхээ нүдэнд бол
               Манцуйдаа дэрвэх
               Мяндас цагаан хүү минь ижийдээ ир ээ гэж ... нэг сайхан шүлэг байдаг

        Тийм ч учраас би хүн бүртэй хүн ёсоор харьцах нь зүйтэй гэж боддог.  Хувь хүмүүсийн хооронд хүндлэл эрхэмлэл байж тэнд зөв сайхан харилцаа бий болдог. Гэтэл зарим хүмүүс ийм харилцааг маш буруугаар бодож хүн бүртэй маягласан, нүүр өгсөн хүн гэж хүлээн авдаг бололтой. Тэр хүнийг ч бас буруутгах аргагүй. Учир нь энэ хорвоогийн бүх зүйлд хоосон чанар гээч зүйл оршин байдаг энэ нь ямар ч зүйлд туйлийн сайн туйлийн муу гэж байдаггүй. Харин хэн, аль талаас нь ямар сэтгэлээр хүлээн авч байгаагаас шалтгаалдаг. 

          Тийм болоод л зарим хүний хувьд тун зөв сайхан зүйл нь бусад хүний хувьд эсэргээрээ байдаг хэрэг. 

        Энэ хорвоод туйлийн зөв, туйлийн сайн зүйл байхгүйгээс хойш алийг зөв гэж үзэх вэ гэхээр хүн бүр өөрийн байр суурь үзэл бодолтой байх ёстой. Энэ байр суурь үзэл бодолоо зөв гэдэгт итгэдэг байх хэрэгтэй гэхдээ тэндээ баттай зогсож зөрүүд бух шиг зөрүүдлэх хэрэггүй. энэ байр суурийн зөв тийш нь эргүүлэх нь чухал танаас илүү их туршлагатай эерэг бодолтой хүний үгийг сонсож өөрийн үзэл бодолтойгоо харьцуулалт хийж, итгэл үнэмшилээ өөрчилж болно. Мэдээж хүн үг хэлсэний тоогоор биш гэдгийг мэдэж байгаа байхаа.

Хүн гэдэг амьтан сэтгэлийн гал дөлөөр сэтгэлийн тэнхээгээр эрч хүч авч амьдарч байдаг. 

Тийм болохоор бусаддаа урамын үг хайрлаж магтаалаар шагнаж байх хэрэгтэй.

Миний сэтгэл багтаж байгаа бүхэн миний амьдралд биелэх боломжтой.

Энэ хорвоод муухай хүн гэж байдаггүй. 

Brown eyes

level 1 brown eyes penguin readers pdf

Found at ebookbrowse.com

Хүн бүрийн заавал унших ном

Хүн төрлөгтөний хувьд

Хамгийн үнэтэй 

Хамгийн чухал 

Хамгийн сайхан чанар бол "Хайр"

Бие биенээ хайрлах хайр. 

         Хүн бүр эрдэмтэн байх албагүй

         Харин хүн бүр хайрлах, хайрлуулах хүнтэй байх ёстой

Түүхийн номыг хүн бүр заавал унших шаардлагагүй ч

Харин энэ номыг хүн бүр уншаасай гэж би хүсэж байна.

Үнэхээрийн гайхалтай

Үнэхээрийн чухал ном шүү. Энэхүү номонд нийт 50 гаруй хайрын тухай сургамжит богино өгүүллэг байна. 

Өөрт маш их таалагдсан хэсгүүдээс блогтоо оруулна.

"Сарнай" өгүүллэгийн хэсгээс

* Хүн өдөр бүрийг инээд наргиан, баяр баясгалантайгаар өнгөрөөх хэрэгтэй.

* Дандаа мөрөөддөг байх. мөрөөдөл үгүй бол мөхөж байгаа нь тэр

* Битгий харамсаж амьдар. Хүмүүс хийсэн зүйлийнхээ төлөө харамсдаггүй. Харин хийж амжаагүй бүхнийхээ төлөө харамсаж байдаг.

Энэхүү номыг бэлэглэсэн найздаа баярлалаа. 

Би чамд хайртай

Зүгээр итгэ гараас минь атга
Зүрхэн дээр дар цохилтыг мэдэр 
зүрхэн дээрээ зүрх зурж чамайг хайрлана
Зүүдэн дундаа нулимс унагаж чамайг хайрлана 

Чамаас өөр хэнийг ч хайрлаагүй 

Зүрх надад бий

Чамаас өөр хэнд ч итгээгүй 

сэтгэл надад бий

************************************************

Зүгээр л намайг шувуу тосдог нуур шиг сана,

хонгор минь

Зүрх сэтгэл гунихаараа ирж буудаг шувуу шиг яв,

чи минь

Далай их хайр минь хэзээ ч дундрахгүй ээ

Дандаа л чамайг хайрлаж авна, бүсгүй минь

Найзынхаа бэлэглэсэн номноос иш татав.

Чайковский - 6-я симфония

Энэ ч бас дажгүй. Сонсоод үзээрэй.

Beethoven Symphony 5 mov 1 Бетховен Симфония

Юун Симфони вэ? гэж бодолгүй нэг сонсоод үзээ.

Хамгийн урт шүлэг

Би бас ийм урт шүлэг бичдэг байжээ. Дэлгэрхаанд хамт сурч байсан найзууддаа зориулж бичсэн шүлэг юм байна.

Сайн байна уу? найзуудаа

Сар нарны холоос та нарыг бодож
Санаа сэтгэл үймрэн
Санан санан суухад
Санаандгүй байж байгаад
Салж хагацахад урссан
Сайн найзуудын минь
Сархад мэт гашуун нулимс
Санаа сэтгэл дотор минь
Зүрх зүсэн урсаад
Уйтай энэ нулимс

Урсан алга болоход
Урьдын нөхөрлөл сэргэж
Сайн найзуудтайгаа уулзах
Сар нарнаас заяатай
Сайхан тэр өдрийг
Тэсэн ядан хүлээж
Тэртээх холоос
Та нарыг санахад
Нарт буурал хорвоод
Найз нөхөдөөсөө хагацахаас
Өөр хэцүү зовлон
Өнгөт энэ хорвоод үгүй мэт
Та нарыг санахаар
Сайн зохиолч, дуучин
Сэтгэлийн шархад өртсөн
Сайхан сэтгэлт охин ч болж чадна би
Та нараас холдсон энэ их хугацаанд
Хүн хэдий сайн сайхан явлаа ч
Сайн найзгүй бол
Хүний амьдал тэр чигээрээ
Бараан сүүдэр
Найз нөхөд үгүй бол
Хүний амьдралыг тодорхойлоход хэцүү
Сайн найзууд гэдэг ямар чухал гэдгийг
Юу юунаас илүү сайн ойлгож
Найзууд минь нэг л өдөр
Намайг гэсээр ороод ирнэ хэмээн бодож
Хичээлдээ явж ирээд
Хэн нэг нь манайд ирсэн болов уу хэмээн Хэрэндээ л хувцасаа янзалж
Хэнэггүй царайлаад ороход
Хэн ч ирээгүй байдагт жаахан гомддог ч
Хэн нэгэн ирээгүй биз хэмээн гэрийнхэнээсээ асуухад
Үргэлж л үгүй гэсэн хариу авахдаа
Тэд намайг мартаагүй заавал ирнэ гэж
Тэрхэн зууртаа сэтгэлээ тайтгаруулж
Аль эсвэл би өөрөө очдог юм билүү
Аав ээж намайг явуулдаг  болов уу ? хэмээн бодож
Олон хоног сарыг ардаа үлдээлээ
Одоо өвөл ч дуусах дөхлөө
Усны шувуу ирсэн
Урьхан тэр нэгэн цагт ч юмуу
Аадар бороо орж солонго татсан
Сайхан тэр зун ч юмуу
Хэзээ нэгэн цагт
Сайн байна уу гээд уулзах
Болзолт тэр мөчийг
Борхон зүрх  минь түгшин түгшин хүлээсээр,,,,

Бурхан

Би багаасаа л бурханд маш их итгэдэг хүүхэд байжээ. 15 настай байхад бичиж байсан шүлгийн дэвтэрт нэг ийм шүлэг байна.

Бурхан та өгөлгийн эзэн
Бүгд таныг харан
Сайн сайхан бүхнийг хүсэж
Сөхрөн мөргөнө
Хэлсэн хүслийг нь биелүүлж
Хэзээ ч гомдоож байгаагүй
Хүсэл сэтгэлээ умартан

Хүний төлөө амьдарсаар
Эрүүл энх
Элбэг тансаг амьдралыг
Хүмүүс бидэнд бэлгэлсэн
Хариу нэхээгүй ачтан бурхан та минь билээ
Алаг хорвоод
Ач энэрэлээ харамгүй хайрласан
Ачит бурхан таньдаа баярлалаа

Бурханы элч хүмүүн танаа

Бурханы элч хүмүүн танаа

Яруу найрагч. П.Алтанчимэг 

Хүмүүн гэж хэн бэ?
Аав ээж ах дүү нартаа тус дэм болж
Амьдрахын төлөө
Алаг хорвоогийн тоосыг хөдөлгөж
Энэрэнгүй сайхан сэтгэлээр
Энэ дэлхийг уяраах гэж
эх орныхоо төлөө
Эрэлхэгээр тулалдаж
Энх тунхыг тогтоох гэж
Хайр дүүрэн халуун сэтгэлээр
Хүн амьтанд тусалж
Аялгуу сайхан дуугаа

Алтан дэлхийдээ өргөж яваг хэмээн
Бурхан багш бидэнд
Буцаалгүй илгээсэн ч
Бусармаг муу үйлээс нь болж буцааж дуудах болсон юм
Бурхан бидэнд
Хэнд ч гологдохооргүй дүр төрх
Хэнээс ч гуйхааргүй сэтгэлийг
Хэнийг нь ч ялгалгүй тэнцүү хувааж өгсөн ч
Хүн гэдэг амьтан
Хөрст дэлхийд бууж
Хөлд орох цагаасаа
Багахан нүгэл хийхэд нь
Бурхан багш өршөөсөн ч
Сүүлдээ бүр даварч
Атаа чөтөө өвөрлөн
Аль болохгүй бүтэхгүйг хийгээд байхаар нь
Бурхан багш түүнийг
Буцааж ирүүлж
Төрөл арилжин ариутгаад
Төрөл садангаас нь өөр газарт буцаадаг юм
Хэрэв хүн нүгэлийг дэвчин
Буяныг ихэд хийвэл
Хөрст энэ дэлхийд
Хүссэн хугацаагаараа амьдарч болно....

//////////////////////////////////////////////////////
15 настайдаа бичсэн байна.

Хүлээнэ хайрт минь

Хүлээнэ хайрт минь

яруу найрагч. П.Алтанчимэг

Хайрт минь би чамайг хүлээсээр
Сар нар 2 ийг давхцах түгшүүрт тэг агшинд ч
Чамайг би хүлээсээр
Саатан духлаж наргих баясалт тэр мөчид ч
Чамайг би хүлээсээр
Өглөө босоод чамайг хүлээнэ
Өдөр өдрийг тоолон хүлээнэ
Сэтгэл дотороо хайрлан хүлээнэ

Сэрж босоод бас л хүлээнэ
Нарт дэлхий уудам болохоор
Намайг гэх сэтгэлтэй болохыг чинь хүлээнэ.
Хорвоо дэлхий уудам гэж
Хайртай чамтайгаа уулзахыг хүлээнэ
Хүлээнэ хүлээнэ хүлээнэ
Хүсэн хүлээсээр чамайг хүлээнэ
Хэзээ ч тасралтгүй хүлээлт
Хорвоо дэлхийд нэмэгдсэн
Эцэс төгсгөлгүй хүлээлт
Энэ дэлхийд нэмэгдсээр...

Сая л бүгдийг ойлголоо хүү чинь

 Сая л бүгдийг ойлголоо хүү чинь

яруу найрагч. П.Алтанчимэг

Энэ яваа насандаа хэний юуны төлөө
Бидрэн тэнэж яваа юм бэ?
Хэний төлөө гэж сурч, мэдэж
Хайж ирж байгаа юм бэ?
Энэ асуултыг би хэнд тавих ёстой юм бэ?
Хэн надад хариу хэлэх юм бол
15 жил наслахдаа энэ асуултанд хариулахаар хичээсээр өдий хүрлээ.
Эцсийн эцэст би  энэ дүгнэлтэд хүрсэн юм.
БИ.....
Эцэг эхийн энхрийлэл хайрыг амсахаар

Нарт ертөнцөд мэндэлсэн юм
Би ирээдүйд эрдэм чадалтай хүн болоод
Эцэг эхийнхээ
Ачийг хариул
Алаг үр чинь сурч мэдэж, судлаж явна.
Орчлонд ганцхан та нарын ачийг хариулахаар
Олны дунд будилж төөрч л явна
Хүний итгэлийг олох гэж
Хүү чинь хичээж чармайж л явна...

Сэтгэлд олдсон хайр.

Багаасаа нэг их сайн биш ч юм бичих дуртай байсан бололтой.  Хэд хэдэн шүлэг бичсэн байхын тэгээд эдгээрийг өөрийн цахим архив буюу блогтоо хадгалахаар шийдлээ.

Сэтгэлд олдсон хайр.

яруу найрагч П.Алтанчмэг

Сэтгэл гэдэг нь хамгийн ариун нанидан 

Хэзээ ч шархлуулж боломгүй ариун эрдэнэ

Хэлэхэд амарч биелүүлэхэд хэцүү

Хэний ч санаанд оромгүй 

Хамгаалж боломгүй эрдэнэ

Хэн нэгэн түүнийг хулгайлж бас болох юм

Хэнд ч бий түүнийг өгөхгүй гэж байсан минь бүтсэнгүй

Хайр сэтгэл гэж сэтгэлийн дайсан

Хайрлаж чадвал сэтгэлийн зул

Хайхрахгүй бол уйтгар гуниг

Хайр сэтгэлийг чи сэтгэлийн угаас хайрла

Анхны хайрын сэтгэлийг хэзээ ч гомдоож болохгүй 

Ахиад чамд ийм ариун хайр олдохгүй

Царай муутай ч гэсэн 

Чамайг тэр хайрладаг бол

Цааргалан эргэлзэлгүйгээр

Чи ч мөн түүнийг хайрла.

**********************************************

10 жилд байхад их л дурламтгай нөхөр байжээ. ккккк

Чамайг хэзээ ч мартахгүй. яруу найрагч. П.Алтанчимэг

 

Хэнд зориулж бичсэнээ санахгүй байна. Нэг хөөрхөн хөвгүүнд л дурлачихаад л бичсэн бололтой. 

Миний яруу найргийн авьяас

              Бурхан хүнд бүх зүйлийг хийж чадах их хүч бас чадварыг хүнд хайрласан гэдэг. Харин шууд ил биш нуугдмал байдлаар хайрлажээ. Хэрэв хүн өөрийгөө бүрэн таниж хөгжүүлж чадвал хүссэн чадвараа хөгжүүлж өөрийгөө нээж чадах юм байна.

Би 10 жилд байхад жаахан шүлэг оролддог байжээ. Саяхан тэмдэглэлийн дэвтэрийн цуглуулгаа харж байгаад нэг ийм шүлэг бичсэнээ олж үзлээ.

 Тэр үед жаахан хөгжүүлсэн бол юм бичвэл болохоор л байж. Төв аймгийн Дэлгэрхаан суманд хамт сурч байсан ангийн найзууддаа зориулж бичсэн шүлэг. П.Алтанчимэг.

Өглөө сэрээд ийм мессэж авах ямар сайхан юм бэ?

Алтан нараар сэрүүлэг хийж,
Амтат цайгаар хүчээн сэлбэж
Алаг үртэйгээ өглөөг угтаж
Амжилт бүтээлээр өдрийг эхлүүлээрэй....
2012.6.27

Уруулаа буд бүсгүй минь

Уруулаа буд бүсгүй минь
Унжуу дорой бүү яв
Нас бол цаасан дээр бичдэг тоо юм
Намбархаж бүү сүйд бол
Хүссэнээрээ амьдар бүсгүй минь
Хүлэгдэж баригдаж бүү амьдар
Гоо сайхан яв бүсгүй минь
Голж бас шилж амьдар
Гадсан өсгийтэй ганган шаахай
Гархи, гоёл бүгдээн зүү
Сайхан үнэр биедээ шингээж
Салхи татуулан инээмсэглэж яв
Санаашрах гунигийн дуу аял бүсгүй минь
Сарны гоо гүнж мэт инээмсэглэж амьдар....

Баатарын Галсансүх "Бурханд хэлэх зөвлөгөө"

Би яруу найраг тийм ч их сонирхдоггүй. Харин энэ ном намайг яруу найргыг бага ч болов сонирхоход хүргэсэн юм. Энэ номноос өөрт таалагдсан ганц нэг шүлгийг нийтэлье.

Хүүгээ дээр дээр өргөж
Хүний ертөнцийг харуулдаг би
Хүсэл мөрөөдөлд нь хүргэх гэж
Хүч тамираа даачилдаг би
Хайрын үрээ хөтөлж явахдаа
Хамаг зовлонгоо мартдаг би

Халимаг сэвлэгийг нь үнэрлэж өхөөрдөхдөө
Хар зөнгөөрөө хүч тамир ордог би
Хэлэх үгээ бодож хэрсүү суух цагт нь
Хэмжээст хорвоог таниулсан ховор аав байна би
Хайрын үрдээ хөтлүүлж харгуйгаа барах цагтаа
Хамгаас жаргалтай хүн шүү гэж өөрөө өөртөө хэлнэ би

*************************************************

Үснийхээ ширхэг бүхнээр намайг хамгаалдаг
Үгнийхээ утга болгоноор намайг өмгөөлдөг
Эрх чөлөөг надад өгчихөөд харж суудаг
Эрх гүнж, энэрэлт эх, элбэрэлт хань минь.

Хөнгөн зан, хүнд аашийг минь хүлцэн тэвчдэг
Хөөрхөн ааль, цайлган сэтгэлээрээ уучилж өршөөдөг
Аз жаргалыг хамтдаа бүтээх гэж зовж яваа
Айлын багана, амьдралын түшиг, амраг хайрт минь

Омголон зориг, цөхөрсөн итгэлийг минь тэнцүүлж өгдөг
Ойр байхдаа түлхэлцдэг ч холын холоос таталцдаг
Хоёр олдохгүй амьдралд ганц удаа учрах
Хүсэл мөрөөдөл минь, хүрсэн зорилго минь, хүрэх ирээдүй минь 

Норман Винсент Пийл "Бодлын хүч"

Манай Аав, Ээж 2 ном, сонин, сэтгүүл маш их уншдаг, бид ч аав ээжийгээ дагаад ном унших дуртай, номонд хайртай болж өссөн. Ээж бид 2 боломж л гарвал хамт номын дэлгүүр ордог. Энэ ном ч бас ээжийн авсан ном. Миний хувьд энэ номыг уншаад өөрийгөө ихэд голж, цаашид өөрийгөө хэрхэн хөгжүүлэх ёстойгоо анзаарч харсан. Надад маш их ухаарал бэлэглэсэн энэхүү номын талаар танилцуулья. Нийт 7 бүлэгтэй

Нэгдүгээр бүлэгт: Шийдвэрлэж болохгүй асуудал гэж байдаггүй.

Хоёрдугаар бүлэг: Айж сүрдэх хэрэггүй

Гуравдугаар бүлэг: Амьдрал дэндүү их сонирхолтой

Дөрөвдүгээр бүлэг: Санаа зовох хэрэг байхгүй

Тавдугаар бүлэг: Би өөрчлөгдөж чадна.

Зургаадугаар бүлэг: Гэрэлт ирээдүй бий

Долоодугаар бүлэг: Амьдралын сурах бичиг

Нэгдүгээр бүлэгт: Шийдвэрлэж болохгүй асуудал гэж байдаггүй. Одоогийн байгаа байдал тун хүнд байгаа ч үүнийг давж гарах арга зам заавал байгаа. Асуудлыг олон талаас нь сайтар тунгааж задлан авч үзэж асуудлыг шийдэх арга замыг олно. Яагаад гэвэл асуудал бол шийдвэрлэгдэхийн төлөө оршдог. 

Тэгээд ч асуудал гэдэг бол баяр хөөр. Учир нь асуудлын ард аз жаргал чамайг хүлээж суугаа. Асуудлыг шийдэж чадвал аз жаргал чамайг хүлээн авна. Харин асуудлаас холуур тойроод зугтаад байвал тэр сайхан мэдрэмж тэр сайхан бүхнийг авч чадахгүй үлдэх болно. 

Асуудлыг шийдвэрлэхийн тулд:

1. Хандлага маш чухал: Одоогийн байгаа бодит байдлаас илүү түүнд хандах хандлага чухал, тиймээс ч асуудал үр дүнг шийдвэрлэдэггүй харин асуудалд хандаж байгаа хандлага үр дүнг шийдвэрлэдэг. 

2. "Хэрвээ" гэж бодолгүй "хэрхэн яаж" хэмээн бод: Хэрвээ гэсэн асуултад хүч, энерги зарахгүйгээр харин хэрхэн яаж гэсэн асуултад анхаарлаа хандуулвал асуудал шийдэх арга зам аяндаа бий болно.

3. "Хийж чадна" гэдэгтээ "итгэ": Асуудлыг шийдэж чадна гэдэгтээ итгэ. Би өөртөө итгэхгүй бол надад хэн ч итгэхгүй. Тиймээс эхлээд өөртөө итгэх хэрэгтэй. Асуудлын ард аз, жаргал байгаа гэдэгт итгэ. Асуудлыг шийдэж чадна гэдэгтээ өөртөө бүрэн итгэ.

Асуудал өөртөө шийдвэрлэх учгийг агуулж байдаг жамтай. /Стэнли Арнолд/ 

Надад зориулсан шүлэг

Саатан уулзахын болзоо товолсон ч
Санаанаас гардаггүй хонгорхон минь

************************************

Хорвоо уудам ч 2 уулаа учирна
Холийн мөрөөдөл тээсээр уулзана
Хайраа бусдаас харамлаж уулзана
Хачин ихээр догдолж учирна Хонгорхон минь



2011 оны 12 дугаар сарын 1,2 нд ирсэн шүлэгүүд. Энэ шүлгийг надад зориулсан хүндэт найз Б-д баярлалаа.