Энэ зураг дээрх эмэгтэй хаана хүрэх гээд ингэж цаг хугацаатай уралдаад гүйгээд байгаан бол до. Нэг талаас авч үзэхэд цаг хугацаатай уралдаж гүйж ажиллаж амьдарч байгаа нь сайн ч бидний аз жаргал, хайж байсан олон зүйлийн дэргэдүүр бид аль хэдийнэ гүйгээд өнгөрчихлөө, магадгүй цаашид ч гүйгээд өнгөрч мэдэхээр байна. Энэ зургыг хараад яг л өөрийгөө хөндлөнгөөс харж байгаа юм шиг санагдчихлаа.
Цаг хугацаа яг л харавсан сум шиг өнгөрч байна. Бид завгүй, маш завгүй ажиллаж толгой ч өөд татаж чадахгүй явж байх хооронд бидний залуу нас, аз жаргал, урсаад өнгөрч байна.
Хэзээ бүх зүйл тэгш сайхан болж нуруу тэнийнэ, тэр үед л хайртай хүмүүстэйгээ сайхан жаргалтай мөчүүдийг өнгөрүүлье гэж бодно. Тэнэг байгаа биз үнэндээ тийм цаг байхгүй ч байж магадгүй учир нь бидний шунал хязгааргүй, эсвэл чиний сэтгэл ханах тэр үед чиний дотно хайртай хүмүүс чинь дэргэд чинь байхгүй ч байж магадгүй.
Ганцхан чамд цаг хугацаа байдаг юм биш бүх зүйлд цаг хугацаатай чиний сэтгэл ханах тэр өдрийг хүлээхгүй бусдын цаг хугацаа ч бас урсаж байгаа тэд ч бас амьдрах ёстой.
Бид байгаа зүйлдээ сэтгэл хангалуун байж, олдсон хором бүрийн аз жаргалыг мэдэрч зорилготой эрч хүчтэй амьдрах хэрэгтэй юм байна. Тэгж байж л бид харамсах зүйлгүй сэтгэл хангалуун амьдарч чадна.
No comments:
Post a Comment